Ole Gunnar Solskjær, stjóri Manchester United, vildi ekkert tjá sig um Bruno Fernandes miðjumann Sporting Lisabon þegar hann var spurður út í leikmanninn á fréttamannafundi í dag.

United er í viðræðum við Sporting um kaup á Fernandes en talsvert ber ennþá á milli hjá félögunum.

Einhver orðrómur hefur verið um að Fernandes sé væntanlegur til Englands um helgina og að hann verði í stúkunni þegar United heimsækir Liverpool á Anfield á sunnudag.