Fríða: Hringdi í Olgu fyrir leik
Auglýsing
Fríða skoraði fyrra mark Selfoss
Mynd: Fótbolti.net - Hafliði Breiðfjörð
Fríða skoraði fyrra mark Selfoss
Mynd: Fótbolti.net - Hafliði Breiðfjörð
„Þetta er einn af sigrunum okkar. Vinnusigur. Við gefumst aldrei upp og við vissum að færin myndu koma. Þóra var svo góð að klára þetta í lokin,“ sagði Hólmfríður Magnúsdóttir, leikmaður Selfoss og Mjólkurbikarmeistari 2019, eftir 2-1 sigur á KR í framlengdum úrslitaleik.
Hólmfríður, eða Fríða, eins og hún er alltaf kölluð, skoraði mikilvægt jöfnunarmark KR eftir magnað einstaklingsframtak. Hún segist hafa leitað ráða hjá markadrottningu mikilli fyrir leik.
„Ég hringdi í Olgu Færseth fyrir leikinn og hún sagði mér að keyra á þær ef ég myndi fá svæði, sem ég gerði þegar ég skoraði markið. Hún er KR-ingur en stundum þarf maður að leita í reynslumeiri leikmenn og ég tileinka henni þetta mark.“
Fríða hrósaði svo stuðningsfólki Selfoss sem fjölmennti á leikinn og hvatti í leiðinni KR-inga til að styðja betur við bakið á stelpunum sínum.
„Þessi stuðningur er ólýsanlegur. Það er sama hvort það séu stelpur eða strákar á Selfossi. Í handbolta, fótbolta eða körfubolta. Bæjarfélagið styður við hvert lið alla leið. Mig langar að biðja KR-ingana um að gera það sama fyrir stelpurnar, því þær eiga það skilið. Þessir hörðu KR-ingar sem mæta á alla karlaleiki þurfa að fara að láta sjá sig á kvennaleikjum,“ sagði Fríða og bætti við að þessi bikarmeistaratitill væri sá sætasti sem hún hefur unnið.
Hægt er að horfa á allt viðtalið við Fríðu í spilaranum hér að ofan.
„Ég hringdi í Olgu Færseth fyrir leikinn og hún sagði mér að keyra á þær ef ég myndi fá svæði, sem ég gerði þegar ég skoraði markið. Hún er KR-ingur en stundum þarf maður að leita í reynslumeiri leikmenn og ég tileinka henni þetta mark.“
Fríða hrósaði svo stuðningsfólki Selfoss sem fjölmennti á leikinn og hvatti í leiðinni KR-inga til að styðja betur við bakið á stelpunum sínum.
„Þessi stuðningur er ólýsanlegur. Það er sama hvort það séu stelpur eða strákar á Selfossi. Í handbolta, fótbolta eða körfubolta. Bæjarfélagið styður við hvert lið alla leið. Mig langar að biðja KR-ingana um að gera það sama fyrir stelpurnar, því þær eiga það skilið. Þessir hörðu KR-ingar sem mæta á alla karlaleiki þurfa að fara að láta sjá sig á kvennaleikjum,“ sagði Fríða og bætti við að þessi bikarmeistaratitill væri sá sætasti sem hún hefur unnið.
Hægt er að horfa á allt viðtalið við Fríðu í spilaranum hér að ofan.
