Fótbolti.net

Venni: Get ekkert farið að sparka í ruslatunnur eða urðað yfir menn

Hemmi hafði ekki tíma í að einbeita sér að leiknum - „Það voru allir að biðja um skiptingu"

Liam Daði: Við stefnum á Laugardalsvöll og það er ekkert flókið

Karl Ágúst talar um hátt spennustig - „Allt undir á sunnudaginn"

Haraldur Freyr: Það er bara hálfleikur í þessu

Gunnar Heiðar um rauða spjald Diouck: Leiðinlegt að þurfa að fara í einhvern svona leik

Magnús Már: Það er gjörsamlega óásættanlegt

Viktor Jóns: Tók eftir því strax í vetur hvað býr í þessum gæja

Damir: Það er enginn skjálfti

Láki: Þetta réðst ekki hér

Lárus Orri kjarnyrtur „Berjast fyrir þessu og fara í svolítið fuck you mode"

Dóri Árna: Það er alveg rétt að stigasöfnun hefur verið rýr í síðustu deildarleikjum

Breki Baxter: FH leikurinn situr núna í okkur

Gummi Kristjáns léttur: Er að spila alltof aftarlega á vellinum

Túfa hefur ekki áhyggjur - „Alvöru menn taka mótlætið á kassann“

„Ekkert að rífa okkur upp til skýja fyrir að vinna Val hérna“

Valdimar Þór: Þurftum ekkert að elta þá út um allt

Sölvi eftir stórsigur á Meistaravöllum: Líst mjög vel á þetta gras hér í KR

Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins

Davíð Smári: Ósáttur með að við skulum gleyma fyrir hvað við stöndum

sun 17. september 2023 16:49

Guðmundur Aðalsteinn Ásgeirsson
Hlíðarenda

Arna Sif: Við eiginlega vonuðumst eftir því að fá þær

Arna Sif Ásgrímsdóttir.

Mynd: Fótbolti.net - Hafliði Breiðfjörð

Íslandsmeistari annað árið í röð.

Mynd: Fótbolti.net - Hafliði Breiðfjörð

„Mér fannst við ekki byrja vel. Ég veit ekki hvort það sé þreyta eða eitthvað. En við ræddum saman í hálfleik og komum betur út í seinni," sagði Arna Sif Ásgrímsdóttir, varnarmaður Vals, eftir sigur gegn FH í Bestu deild kvenna í dag, 3-1.

Lestu um leikinn: Valur 3 - 1 FH

Arna skoraði annað mark Vals, markið sem skipti mestu máli í leiknum.

„Það var gríðarlega mikilvægt. Ég var þreytt og þegar ég er þreytt, þá er ég pirruð. Ég var orðin mjög pirruð þannig að það ágætt að ná þessu marki og ná að slaka á."

Valskonur eru búnar að tryggja sér titilinn en það eru enn tveir deildarleikir eftir.

„Þetta er ótrúlega skrítin tilfinning. Skrítnari tilfinning en ég hélt," segir Arna um það hvernig er að mótívera sig fyrir síðustu deildarleiki tímabilsins þegar titillinn er kominn í hús. „Eins og fyrir Stjörnuleikinn, þá var ég allan daginn að fara í fótbolta til að vinna þennan leik, en svo þegar við mættum... ég veit það ekki, það var einhver tilfinning sem kom til manns. Við erum að reyna að njóta þess að spila og verðum að hafa Meistaradeildina í huga, nota þetta sem undirbúning. Við verðum að klára þetta vel og á sannfærandi hátt."

Það var góð stemning á Hlíðarenda í dag og voru margir mættir í stúkuna til að sjá meistarana spila.

„Þetta er gríðarlega gaman. Ég er að þjálfa hjá félaginu líka þannig að það eru allir vinir manns og maður þekkir alla hérna. Það er ótrúlega skemmtilegt. Það er gaman í dag að það eru bæði lið að spila og það er gert smá úr því. Það er virkilega góð stemning."

Eftir nokkrar vikur spilar Valur einvígi sitt við St. Pölten frá Austurríki í einvígi um að komast í riðlakeppni Meistaradeildarinnar. Það verkefni leggst vel í Örnu.

„Við eiginlega vonuðumst eftir því að fá þær. Ég held að þetta sé hörku séns. Ég kannast við eina þarna sem spilaði með mér í Þór/KA. Hún er gríðarlega góður leikmaður. Þetta verða hörkuleikir en ég held að við séum í góðum séns. Við verðum að vera vel undirbúnar," sagi varnarmaðurinn öflugi.

Hægt er að sjá viðtalið í spilaranum í heild sinni hér að ofan þar sem Arna ræðir meðal annars um landsliðið.