Daníel Tristan spilaði síðustu mínúturnar gegn Olympic
Arnór Sigurðsson og Daníel Tristan Guðjohnsen eru komnir áfram í riðlakeppni sænska bikarsins með Malmö eftir að liðið lagði Olympic að velli, 1-0, á útivelli í kvöld.
Daníel Tristan, sem skoraði tvö mörk í síðasta deildarleik með Malmö, kom inn af bekknum á 82. mínútu leiksins, en Arnór var fjarri góðu gamni vegna meiðsla.
Sigurinn tryggði Malmö inn í riðlakeppnina sem verður leikin í byrjun næsta árs.
Andri Fannar Baldursson og Logi Tómasson mættust í Íslendingaslag í Tyrklandi í kvöld er Samsunspor og Kasimpasa gerðu markalaust jafntefli í Samsun.
Logi byrjaði hjá Samsunspor en fór af velli þegar tuttugu mínútur voru eftir á meðan Andri Fannar lék allan leikinn með Kasimpasa.
Samsunspor er í 8. sæti með 8 stig eftir fimm umferðir en Andri og félagar í Kasimpasa í 12. sæti með 4 stig.
Athugasemdir
