Anthony Martial, leikmaður Manchester United, var ekki í nógu góðu standi til að spila með liðinu gegn Leicester City í gær.
Þetta staðfesti Ole Gunnar Solskjær, stjóri Man Utd, í gær en Martial var hluti af franska landsliðinu í landsleikjahlénu.
Það vakti töluverða athygli þegar Martial var ekki valinn í leikmannahópinn en Man Utd tapaði leiknum 4-2 á King Power vellinum.
Solskjær staðfesti það þó að Martial væri ekki meiddur en að hann hafi ekki æft alla vikuna og væri ekki í leikformi.
„Vonandi fáum við hann til baka fljótlega,“ bætti Solskjær einnig við en næsti leikur Man Utd er í miðri viku gegn Atalanta í Meistaradeildinni.
Martial hefur aðeins spilað sjö leiki á tímabilinu til þessa og skorað eitt mark.
Athugasemdir
