Eins og við greindum frá í gærkvöldi vakti það mikla athygli þegar Edinson Cavani fór í harkalega tæklingu á liðsfélaga sínum, Neymar þegar Brasilía og Úrúgvæ mættust í æfingaleik í gærkvöldi.
Leiknum lauk með 1-0 sigri Brasilíu en Neymar skoraði eina mark leiksins. Leikið var á Emirates, heimavelli Arsenal.
Leiknum lauk með 1-0 sigri Brasilíu en Neymar skoraði eina mark leiksins. Leikið var á Emirates, heimavelli Arsenal.
Nokkur atvik hafa gefið vísbendingar um að þeir nái ekki neitt sérstaklega vel saman.
Þegar Neymar mætti til PSG í fyrra féll Cavani í skuggann á honum og þá rifust þeir um að taka vítaspyrnu gegn Dijon sem endaði með því að Daniel Alves þurfti að grípa inn í.
Cavani sást ekki í afmælisveislu brasilíska kappans á síðasta ári og nú birtist enn eitt atvikið sem sýnir augljóslega að það er mikill fjandskapur á milli þeirra.
Cavani hefur nú tjáð sig um tæklinguna.
„Þegar tvö lið frá Suður-Ameríku mætast þá er alltaf harka. Mér fannst þetta flottur leikur tveggja góðra liða. Við mótmæltum vítaspyrnunni sem að réði úrslitum."
„Svona hlutir (tæklingin) gerast bara í svona leikjum. Það er alltaf gaman að spila á móti jafnsterku liði og Brasilíu með Neymar og fleiri heimsklassa leikmenn innanborðs."
„Það eru engir fótboltaleikir sem eru vináttuleikir. Stundum er andrúmsloftið rafmagnað inni á vellinum en þegar dómarinn flautar þá eru allir vinir."
Sjá einnig:
Myndband: Cavani straujaði Neymar í æfingaleik
Tæklinguna má sjá hér að neðan.
Torse nue à l’entrée du vestiaire ça va barder pic.twitter.com/nvvUZDTvOy
— Gosho (@GoshooPSG) November 16, 2018
Athugasemdir