Kolbeinn Sigþórsson meiddist illa á ökkla í fyrri hálfleik í leik Íslands og Moldóvu í kvöld en hann yfirgaf leikvanginn á hækjum og í hlífðarskó eftir leik.

Meiðslin líta ekki vel út en Freyr Alexandersson, aðstoðarlandsliðsþjálfari, reiknar þó ekki með öðru en að hann nái umspilinu fyrir EM í mars.

„Þetta lítur ekkert sérstaklega vel út hjá Kolla. Ökklinn hjá honum fór illa. Það tekur tíma að meta hvernig það verður en hann verður klár í mars. Ég er viss um það," sagði Freyr eftir leikinn í kvöld.

Mikael Neville Anderson átti góðan leik í sínum fyrsta mótsleik í byrjunarliði en hann fór einnig meiddur af velli á 55. mínútu.

„Mikael fékk þungt högg á rifbeinin. Hann lenti líka í þessu á móti FCK fyrir nokkrum vikum síðan. Hann er ungur og hann verður klár fljótlega," sagði Freyr.

Tweet

Senda a Facebook Hafdu samband Senda frétt Prenta frétt Frétta leit