Það eru sex leikir á dagskrá í undankeppni Evrópuþjóða fyrir HM í kvöld þar sem aðeins einn leikur mun koma til með að skipta máli.
Þýskaland og Slóvakía spila úrslitaleik um toppsæti A-riðils þar sem Þjóðverjum nægir jafntefli til að tryggja efsta sætið, þrátt fyrir að hafa tapað í fyrri leiknum gegn Slóvökum. Markatala og mörk skoruð telja framyfir innbyrðisviðureignir í undankeppninni.
Þjóðirnar eiga 12 stig eftir 5 umferðir og mætast í eina leik kvöldsins sem skiptir raunverulegu máli.
Allir aðrir leikir eru upp á stoltið, nema að Póllandi takist að vinna upp þriggja stiga og þrettán marka mun á Hollandi í G-riðli.
Leikir kvöldsins
19:45 Norður Írland - Lúxemborg
19:45 Malta - Pólland
19:45 Tékkland - Gíbraltar
19:45 Þýskaland - Slóvakía
19:45 Holland - Litháen
19:45 Svartfjallaland - Króatía
Athugasemdir
