Dean Smith, stjóri Aston Villa, hefur staðfest að félagið sé nálægt því að fá Mbwana Samatta, sóknarmann frá Genk í Belgíu.
Brasilíski sóknarmaðurinn Wesley spilar ekki meira fyrir Aston Villa á þessu tímabili vegna meiðsla. Það er því í forgangi hjá Villa að fá inn nýjan sóknarmann.
Samatta hefur skorað 43 mörk í 98 deildarleikjum fyrir Genk, en hann kom til félagsins árið 2016. Hann er frá Tansaníu.
„Við erum mjög nálægt því. Það á bara eftir að klára pappírsvinnu," sagði Smith eftir 1-1 jafntefli Aston Villa gegn Brighton í ensku úrvalsdeildinni í dag.
Talið er að Samatta sé með 10,5 milljón punda riftunarverð í samingi sínum hjá Genk.
Villa hefur líka áhuga á Islam Slimani, sóknarmanni Leicester sem er í láni hjá Mónakó.
Aston Villa er sem stendur í 18. sæti ensku úrvalsdeildarinnar.
Athugasemdir