Pearson var sáttur með spilamennsku sinna manna og telur þá verðskulda meira en eitt stig. Troy Deeney klúðraði vítaspyrnu á 70. mínútu en Pearson benti á að svona sé nú fótboltinn.

„Við sköpuðum nóg til að vinna þennan leik. Ég er ánægður með spilamennskuna og er ekki að spá í vítaspyrnunni. Svona er fótboltinn," sagði Pearson.

Tottenham komst nálægt því að stela sigrinum í uppbótartíma en Ignacio Pussetto náði að bjarga á marklínu. Endursýning sýndi að það munaði aðeins nokkrum millimetrum á að boltinn hefði farið allur yfir línuna. Pearson vissi greinilega ekki að svo mjóu hefði munað og brást skemmtilega við.

„Þeir fengu líka sín færi og hefðu getað unnið þarna í lokin. Munaði nokkrum millimetrum? Frábært! Flott."