Brasilíumaðurinn Luis Guilherme hefur ekki fundið sig hjá West Ham en félagið hefur gefið honum grænt ljós á að yfirgefa félagið.
Guilherme er 18 ára gamall vængmaður en hann gekk til liðs við félagið síðasta sumar frá Palmeiras. Hann hefur aðeins komið við sögu í fjórum leikjum í deildinnii.
Fabrizio Romano greinir frá því að Al-Hilal í Sádí-Arabíu hafi mikinn áhuga og sé búið að hafa samband við West Ham en ekkert tilboð borist enn sem komið er.
Enski miðillinn The Guardian var með hann á lista árið 2023 yfir bestu leikmenn fædda árið 2006 ásamt Vitor Reis, sem er orðaður við Man City og Endrick, leikmann Real Madrid, en þeir eru allir uppaldir hjá Palmeiras.
