Erling Braut Haaland skoraði tvisvar fyrir Dortmund þegar liðið lagði Paris Saint-Germain að velli, 2-1, í fyrri leik liðanna í 16-liða úrslitum Meistaradeildarinnar í kvöld.

Haaland, sem er 19 ára gamall, var hógvær í viðtali eftir leik og sagði: „Ég er ánægður að vera maður leiksins, en ég get enn gert mikið betur."

„Ég verð að spila betur og leggja mikið á mig til að bæta mig."

„Þetta eru hættuleg úrslit þar sem PSG er með sterkt lið og geta farið áfram í síðari leiknum."

Haaland er búinn að skora átta mörk í fimm deildarleikjum í Þýskalandi, hann er kominn með eitt mark í þýska bikarnum og er núna einnig búinn að stimpla sig inn í Meistaradeildinni með þýska félaginu.

Hann hafði reyndar skorað átta mörk í sex Meistaradeildarleikjum með Salzburg fyrir áramót, en er núna kominn með tíu mörk í sjö leikjum.

Mörk hans í kvöld má sjá hérna og hérna.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit