Arsenal og Benfica gerðu 1-1 jafntefli í fyrri leik liðanna í 32-liða úrslitum Evrópudeildarinnar en spilað var í Róm á Ítalíu.
Leikurinn var skráður heimaleikur Benfica en ekki var hægt að spila í Portúgal vegna Covid-19.
Arsenal fékk betri færi í kvöld en þetta var ekki besti dagur Pierre-Emerick Aubameyang fyrir framan markið. Hann klúðraði nokkrum færum en stærsta klúðrið kom í fyrri hálfleik.
Í stöðunni 0-0 fékk Aubameyang fyrirgjöf frá hægri sem hann þurfti einungis að senda í netið. Á einhvern óskiljanlegan hátt mistókst framherjanum að hitta á markið.
Benfica komst yfir en Buyako Saka jafnaði stuttu seinna og því Arsenal með mikilvægt útivallarmark í farteskinu.
Aubameyang miss vs Benfica 18' from r/soccer
Athugasemdir
