Miðvörðurinn var að skora sitt fyrsta deildarmark á tímabilinu og var það glæsilegt.

Bayern fékk aukaspyrnu á vinstri vængnum og reis Glódís hæst allra áður en hún þrumuskallaði boltanum í netið. Glæsilegt mark hjá henni.

Jovana Damnjanovic gerði annað mark Bayern rúmum tíu mínútum fyrir leikslok. Bayern er komið aftur á toppinn með 36 stig, einu stigi á undan Wolfsburg.

Karólína Lea Vilhjálmsdóttir lék allan leikinn fyrir Bayer Leverkusen í 2-1 tapi gegn Hoffenheim. Karólína er á láni hjá Leverkusen frá Bayern München, en Leverkusen er nú í 6. sæti deildarinnar með 20 stig.