Barcelona vill Díaz frá Liverpool - Úlfarnir skoða markverði - City til í að hlusta á tilboð í Grealish
   lau 18. mars 2023 20:52
Brynjar Ingi Erluson
Zlatan er mættur - Elsti markaskorari í sögu efstu deildar
Zlatan Ibrahimovic skoraði fyrsta mark sitt á tímabilinu
Zlatan Ibrahimovic skoraði fyrsta mark sitt á tímabilinu
Mynd: Getty Images
Sænski framherjinn Zlatan Ibrahimovic er elsti markaskorari í sögu efstu deildar á Ítalíu.

Udinese er að vinna Milan, 2-1, í hálfleik í Seríu A. Zlatan er í fyrsta sinn í byrjunarliði Milan á tímabilinu eftir að hafa gengið í gegnum erfið meiðsli.

Roberto Pereyra kom Udinese í forystu á 9. mínútu en undir lok hálfleiksins fékk Milan vítaspyrnu eftir að Jaka Bijol handlék boltann í teignum.

Marco Silvestri varði vítaspyrnuna frá Zlatan en Svíinn fékk að fara aftur á punktinn þar sem Beto, leikmaður Udinese, var kominn inn í teiginn er Zlatan tók spyrnuna.

Zlatan klikkaði ekki í seinni tilrauninni og þrumaði í raun boltanum það fast að Silvestri átti ekki möguleika. Zlatan er því elsti markaskorari í sögu efstu deildar á Ítalíu.

Alessandro Costacurta var 41 árs og 25 daga gamall þegar hann skoraði í efstu deild en Zlatan bætti það. Hann er 41 árs og 166 daga gamall. Magnaður.

Fagnaðarlætin stóðu ekki yfir lengi því Beto kom Udinese í 2-1 áður en flautað var til loka fyrri hálfleiks.

Sjáðu vítaspyrnuna hér
Athugasemdir
banner
banner
banner
banner