Pep Lijnders aðstoðarmaður Jurgen Klopp hjá Liverpool mun taka við RB Salzburg eftir tímabilið en allt þjálfarateymi Klopp, ásamt honum sjálfum mun yfirgefa enska félagið.
Lijnders hefur litla sem enga reynslu af aðalþjálfun en hann var stjóri NEC Nijmegen í hálft ár árið 2018.
Hann hafði fyrir þann tíma starfað í þjálfarateymi Brendan Rodgers og Klopp hjá Liverpool en hann snéri síðan aftur til LIverpool og gerðist aðstoðarþjálfari.
Hann þakkar Klopp mikið fyrir að gera sig klárann í stóra skrefið.
„Síðustu sex ár hef ég fengið mikla ábyrgð. Klopp lét mig taka fréttamannafundi og allt sem hann gerir sjálfur. Hann segir alltaf 'við gerum þessa vinnu saman', þannig er það. Ég veit að ég er tilbúinn," sagði Lijnders.
Athugasemdir