„Nei maður er aldrei sáttur með að tapa. Þetta voru kannski svoldið stór úrslit" sagði Ejub Purisevic þjálfari Víkíngs Ó eftir tap á móti Fjölni í 16.liða úrslitum borgunarbikarsins.
Lestu um leikinn: Fjölnir 4 - 0 Víkingur Ó.
„Já ég er alveg sammála, eftir þessi tvö mörk var þetta í rauninni ekki leikur. Kross hjá þeim og mark og svo annar kross og mark og þá var þetta rosalega erfitt að spila.
Í hálfleik vorum við að tala um að reyna að koma marki inn en þeir skora þriðja markið og leikurinn búinn.
Ég var að setja leikmenn í stöður sem þeir eru kannski ekki vanir að spila og auðvitað er það erfitt að koma með menn í stöður sem þeir eru ekki vanir að spila.
Við eigum mikilvægan leik á sunnudaginn og svo þar á eftir á móti Grindavík og ef við náum að sigra þá leiki að þá erum við góðir kandidatar að fara upp"
Nánar er rætt við Ejup í sjónvarpinu hér að ofan.
