Í slúðri dagsins skoðum við slúður af Manchester United og fleiri félögum.
Manchester United er að undirbúa tilboð í Callum Wilson (27) framherja Bournemouth en hann hefur skorað þrjú mörk í síðusut tveimur leikjum. (Sun)
Real Madrid, Barcelona og Liverpool vilja öll fá Fabian Ruiz (23) miðjumann Napoli. (Mail)
Manchester United spurðist fyrir um Jadon Sancho (19) kantmann Borussia Dortmund í sumar. (Viasport)
Patrice Evra, fyrrum varnarmaður Manchester United, segir að leikmenn liðsins verði að blæða fyrir félagið áður en stuðningsmenn taki þá í sátt. (Sky Sports)
Isco (27), miðjumaður Real Madrid, gæti verið á leið til Juventus á 66 milljónir punda. (Sun)
Xavi segir að Raheem Sterling (24) sé að vinna kapphlaupið um að taka við sem besti leikmaður í heimi af Lionel Messi (32) og Cristiano Ronaldo (34). (Mirror)
Southend, sem er í ensku C-deildinni, vill fá Henrik Larsson í stjórastólinn. (Mail)
Hugo Lloris (32) markvörður Tottenham segir ólíklegt að hann klári ferilinn hjá félaginu. Frakkinn hefur áhuga á að spila í MLS-deildinni í Bandaríkjunum áður en hann hættir. (France Football)
Andy Carroll (30) gæti verið á bekknum þegar Newcastle mætir Brighton um helgina en hann hefur misst af byrjun tímabils vegna meiðsla. (Mail)
Daniel James (21) kantmaður Manchester United segist nánast hafa hætt í fótbolta þegar hann var tólf ára gamall. James var þreyttur á að vera á æfingum á kvöldin á meðan vinir hans voru úti að leika sér. (Mirror)
Wayne Rooney (33) framherji DC United segir að leikmenn í MLS-deildinni eigi að fá betur borgað. (ESPN)
Athugasemdir