Andy Carroll.
Andy Carroll hefur verið ráðinn stjóri Dagenham & Redbridge til bráðabirgða aðeins tveimur vikum eftir að samfélagsmiðlastjarnan KSI keypti hlut í félaginu.
Carroll hefur verið að spila með utandeildarliðinu á þessu tímabili en mun stýra því til bráðabirgða eftir að Lee Bradbury var rekinn í kjölfarið á 3-2 tapi gegn Farnborough á þriðjudag.
Carroll hefur verið að spila með utandeildarliðinu á þessu tímabili en mun stýra því til bráðabirgða eftir að Lee Bradbury var rekinn í kjölfarið á 3-2 tapi gegn Farnborough á þriðjudag.
Dagenham er í tólfta sæti National League South sem er sjötta efsta deild á Englandi.
Carroll, sem er fyrrum sóknarmaður Liverpool og fleiri félaga í ensku úrvalsdeildinni, hefur enga stjórareynslu en mun núna reyna fyrir sér. Hans fyrsti leikur við stjórnvölinn er á laugardaginn gegn Torquay United sem stýrt er af engum öðrum en Neil Warnock.
Athugasemdir
