19.04.21 - 12:55
Elvar Geir Magnússon
Ceferin: Leikmönnum Í Ofurdeildinni bannað að spila með landsliðum
Aleksander Ceferin, forseti UEFA.
Mynd: Getty Images
Aleksander Ceferin, forseti UEFA.
Mynd: Getty Images
Aleksander Ceferin, forseti UEFA, segir það alveg skýrt að þeir leikmenn sem taki þátt í lokuðum mótum, eins og Ofurdeildinni, fái ekki að spila á Evrópu- né heimsmeistaramótum landsliða.
Forráðamenn UEFA eru algjörlega æfir vegna áætlana tólf af stærstu félögum Evrópu að stofna sérstaka Ofurdeild og berjast nú gegn henni.
Forráðamenn UEFA eru algjörlega æfir vegna áætlana tólf af stærstu félögum Evrópu að stofna sérstaka Ofurdeild og berjast nú gegn henni.
„Leikmenn sem spila í lokuðum deildum verða bannaðir frá þátttöku á HM og EM. Þeir mega ekki spila fyrir landsliðin," segir Ceferin sem sparar ekki stóru orðin.
„UEFA er mótfallið þessum svívirðilegu áformum sem byggjast á eiginhagsmunum og græðgi. Við stöndum saman gegn þessari vitleysu. Þetta er hráka í andlit þeirra sem elska fótbolta."
Mikill titringur er í fótboltaheiminum vegna áforma um að stofna þessa sérstöku Ofurdeild en fjallað er um deildina í sérstökum hlaðvarpsþætti sem hægt er að hlusta á hér að neðan.
„UEFA er mótfallið þessum svívirðilegu áformum sem byggjast á eiginhagsmunum og græðgi. Við stöndum saman gegn þessari vitleysu. Þetta er hráka í andlit þeirra sem elska fótbolta."
Mikill titringur er í fótboltaheiminum vegna áforma um að stofna þessa sérstöku Ofurdeild en fjallað er um deildina í sérstökum hlaðvarpsþætti sem hægt er að hlusta á hér að neðan.
