Ólíklegt er að Delphin spili á móti Val á sunnudaginn
Aron Snær er á láni hjá Þrótti R. en kom inn á gegn Fram þrátt fyrir að vera samningsbundinn Fram
Fram tapaði óvænt gegn Þrótti R. í 32-liða úrslitum í Mjólkurbikarnum. Jón Sveinsson þjálfari Fram kom í viðtal eftir leik.
Lestu um leikinn: Fram 2 - 3 Þróttur R.
„Nei ég er klárlega ekki ánægður, mjög svekkjandi að detta út gegn mjög spræku Þróttaraliði. Þeir gáfu okkur virkilega góðan leik, þeir voru grimmari en við og komust yfir, þannig við áttum alltaf á brattann að sækja og það gekk ekki að ná jöfnunarmarkinu þrátt fyrir fínan seinni hálfleik."
Fram fékk tvö mörk á sig úr föstum leikatriðum
„Ég hef ekkert sérstakar áhyggjur af þessu, það gekk ágætlega að verjast föstum leikatriðum í vor og það sem af er móti. Auðvitað klaufalegt að fá þessi mörk á sig, við þurfum að skoða það en það hefur ekkert verið neitt vandamál."
Tiago kemur aftur inn í liðið eftir meiðsli og skorar
„Vissulega mikilvægur leikmaður fyrir okkur en hann þarf að vera heill til þess að spila, þetta er fyrsti leikurinn sem hann getur byrjað og vonandi getum við fjölgað mínútunum eftir því sem á líður."
Delphin Tshiembe var utan hóps vegna heilahristings sem hann hlaut gegn HK, verður hann leikhæfur gegn Val á sunnudaginn?
„Delphin er ólíklegur á móti Val en vonandi eftir það. En það kemur betur í ljós á morgun, þá fer hann í skoðun og við vitum nánar stöðuna á honum."
Aron Snær er samningsbundinn Fram en fór á lán til Þróttar R. og spilaði leikinn í kvöld
„Við ákváðum að lána hann áður en við drógumst á móti Þrótti R. í bikarnum. Við erum að lána hann til að hann fái mínútur og verði betri leikmaður og ég ætla þá ekki að taka mínútur af honum sem hann á möguleika á að fá. Þetta getur auðvitað verið tvíeggja en við tókum þessa ákvörðun."
Viðtalið má sjá í heild sinni í sjónvarpinu hér að ofan.
Athugasemdir
