Vilhjálmur Kári og Guðjón Gunnarsson stýra Augnabliki.
Augnablik er á toppnum ásamt Þrótti R. í Inkasso-deild kvenna eftir tvær umferðir. Augnablik lagði ÍR að velli 2-0 í dag.
„Við áttum ekki okkar besta leik. Við vorum frískari í fyrri hálfleik en náðum ekki að skora. Þetta varð þyngra og þyngra eftir það. Þær fengu meira sjálfstraust," sagði Vilhjálmur Kári Haraldsson, annar af þjálfurum Augnabliks, eftir sigurinn.
„Ég held að þær hafi bætt sig töluvert á milli leikja. Þær voru mjög góðar í dag, ÍR-liðið."
„Sem betur fer náðum við að lauma inn marki og það létti yfir okkur. Svo kom annað og þá fannst mér þetta komið í höfn."
„Við vorum viss um að þær myndu koma brjálaðar til leiks. Við náum ekki að skora úr okkar færum í fyrri hálfleik og þá eflast þær enn meira. Þær spiluðu góðan leik og það kom okkur ekki á óvart."
Augnablik er með sex stig eftir fyrstu tvo leikina.
„Við ætlum okkur að fara í alla leiki til að vinna þá. En við erum auðvitað með verkefni þar sem við erum með unga leikmenn. Þær eiga glimrandi fyrri hálfleik og detta niður á milli. Það er eðli ungra leikmanna. Við gerum okkar besta og sjáum hvað gerist í lokin."
Viðtalið er í heild sinni hér að ofan.
Athugasemdir
