KA 2 - 0 ÍA
1-0 Jóan Símun Edmundsson ('16)
2-0 Hallgrímur Mar Steingrímsson ('84)
1-0 Jóan Símun Edmundsson ('16)
2-0 Hallgrímur Mar Steingrímsson ('84)
Lestu um leikinn: KA 2 - 0 ÍA
KA og ÍA áttust við í seinni leik dagsins í Bestu deild karla og tóku heimamenn forystuna eftir rétt rúman stundarfjórðung á Akureyri.
Færeyingurinn Jóan Símun Edmundsson skoraði auðvelt mark eftir góða sókn þar sem Hallgrímur Mar Steingrímsson og Ingimar Torbjörnsson Stöle bjuggu til markið fyrir hann.
Það var lítið annað að frétta í fyrri hálfleiknum þar sem bæði lið fengu hálffæri og vildu heimamenn fá dæmda vítaspyrnu fyrir hendi, en fengu ekki.
Leikurinn hélt áfram í sama fari í síðari hálfleik þar sem lítið var um færi allt þar til á lokakaflanum. Viktor Jónsson skallaði í slá á 82. mínútu en tveimur mínútum síðar innsiglaði Hallgrímur Mar Steingrímsson sigur KA-manna með skoti sem breytti um stefnu af varnarmanni og rúllaði í netið.
Lokatölur 2-0 fyrir KA í þessum áhugaverða botnslag. ÍA situr áfram á botninum með 15 stig en KA er komið upp í 18 stig. Akureyringar eru ásamt FH og ÍBV í 8.-10. sæti þrátt fyrir að vera með talsvert lakari markatölu.
Athugasemdir
