„Mér líður hrikalega vel með þetta mjög erfitt og Leiknir spilar virkilega góðan fótbolta. Þeir eru búnir að taka tuttugu stig á þessum velli og að koma hérna undir smá pressu og vinna 1-0, Ég er í skýjunum með það," sagði Eysteinn Húni Hauksson, annar af þjálfari Keflavíkur, eftir sigur gegn Leikni.

Lestu um leikinn: Leiknir R. 0 -  1 Keflavík

Joey Gibbs skoraði sigurmarkið beint úr aukaspyrnu. „Draumamark frá Joey, gulls ígildi að eiga mann sem getur tekið svona spyrnur. Þetta skilur oft á milli og við höfum oft kvartað yfir að 'delivery'ið' hafi oft vantað í föstum leikatriðum en það hefur batnað núna seinni part móts."

Eysteinn vildi lítið tjá sig um dómgæsluna í leiknum en það voru vafaatriði báðu megin.

Hann var skráður aðstoðarþjálfari, af hverju var það? „Ég veit það ekki, hef ekki hugmynd um það. Þú verður að spyrja einhvern annan að því."

Heyrst hafa sögur að Eysteinn muni hætta sem þjálfari Keflavíkur eftir tímabilið. Hann var spurður hvort hann verði áfram. „Ég hef verið spurður nokkrum sinnum að þessu og ég hef alltaf gefið sama svarið. Við ætlum að klára þetta mót og síðan ræðum við næsta tímabil."

Davíð Snær fékk heimskulegt gult spjald í leiknum.

„Við vorum ekki ánægðir með Davíð, hann bauð dálítið upp á þetta. Hins vegar samræmið í því hvað er verið að gefa spjöld fyrir og ekki... það er ekki spjald þegar það er sett öryggisbelti utan um menn og þeim haldið, það er ekki spjald og svo er spjald fyrir þetta. Ég veit ekki með það, skiptir engu máli."

Eysteinn var svo spurður út í lokaumferðina, leikinn við ÍA og nánar Davíð Snæ sem hefur mikið verið í umræðunni að undanförnu.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit