Fotbolti.net
20.01.21 - 17:04
Elvar Geir Magnússon

Byrjunarlið Man City og Aston Villa: Barkley og Foden byrja

Manchester City hefur krækt í 25 stig af 27 mögulegum með John Stones í liðinu á þessu tímabili.

Manchester City hefur krækt í 25 stig af 27 mögulegum með John Stones í liðinu á þessu tímabili.

Canon

Mynd: Getty Images

Það eru tveir leikir í ensku úrvalsdeildinni í kvöld. Fyrri viðureignin er leikur Manchester City og Aston Villa sem hefst klukkan 18.

Aymeric Laporte og Sergio Aguero eru enn fjarverandi hjá City en Aguero er að missa af sínum fjórða leik þar sem hann er í sóttkví eftir að smit kom upp í fjölskyldu hans.

Þetta er fyrsti leikur aðalliðs Aston Villa síðan á nýársdag en hópsmit kom upp á æfingasvæðinu og fresta þurfti leikjum liðsins.

Ross Barkley hefur verið á meiðslalistanum í tvo mánuði en er mættur aftur og byrjar í kvöld.

Manchester City hefur krækt í 25 stig af 27 mögulegum með John Stones í liðinu á þessu tímabili. Stones skoraði tvö í 4-0 sigri liðsins gegn Crystal Palace um síðustu helgi. Hann leikur sinn 150. leik fyrir City í kvöld.

City er á rosalegu skriði og hefur farið í gegnum fimmtán leiki í öllum keppnum án þess að tapa.

Phil Foden byrjar hjá City en Gabriel Jesus er meðal varamanna.

Byrjunarlið Man City: Ederson; Cancelo, Stones, Rúben Dias, Walker; De Bruyne, Rodri, Gündogan; Sterling, Foden, Bernardo Silva.

Byrjunarlið Aston Villa: Martínez; Cash, Konsa, Mings, Targett; McGinn, Douglas Luiz; Traoré, Barkley, Grealish; Watkins.


Leikir kvöldsins:
18:00 Man City - Aston Villa
20:15 Fulham - Man Utd

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.