KR-ingar eru eina liðið sem er með fullt hús að loknum þremur umferðum í Pepsi-deildinni. Í dag klukkan 17 mæta þeir ÍBV í Vestmannaeyjum.
Hannes Þór Halldórsson, markvörður KR, var í viðtali í útvarpsþættinum Fótbolti.net á laugardaginn og hægt er að hlusta á það í spilaranum hér að ofan.
Hannes Þór Halldórsson, markvörður KR, var í viðtali í útvarpsþættinum Fótbolti.net á laugardaginn og hægt er að hlusta á það í spilaranum hér að ofan.
„Við erum að fara í mjög strembið verkefni. Þau gerast ekki mikið stærri verkefnin í þessari deild en að fara til Vestmannaeyja og spila við lið sem er fullt af sjálfstrausti. Við búum okkur undir hörkuslag," segir Hannes.
„Það er greinilega mikil stemning í liðinu og þetta er kannski ekki besti tíminn til að mæta þeim. Þeir eru duglegir, pressa út um alla völl og eru vinnusamir. Það er erfitt að mæta þessu liði."
„Þetta mót hefur farið frábærlega af stað fyrir okkur og við gætum ekki verið ánægðari með þetta. Fullt hús og mikil hamingja í Vesturbænum. Þetta er mjög jákvætt frá okkar sjónarhorni. Þetta lítur út fyrir að ætla að vera mjög spennandi sumar."
KR hefur aðeins fengið á sig eitt mark til þessa.
„Þetta hefur verið mjög sannfærandi hjá okkur. Varnarlínan hefur staðið sig vel en ekki síður miðjumennirnir. Það skapar oft stöðugleika í varnarleik að miðjumennirnir séu duglegir að styðja vörnina. Jónas (Guðni Sævarsson) og Baldur (Sigurðsson) hafa verið að vinna mjög gott starf. Ég er ánægður með að Jónas hafi fengið smá viðurkenningu eftir síðasta leik því hann hefur spilað frábærlega og vinnur þessa vinnu sem oft er talað um að menn fái ekki „kredit" fyrir. Hann á allt hrós skilið," segir Hannes.
Baldur Sigurðsson hefur skorað þrjú mörk í síðustu tveimur leikjum og er Hannes ánægður með að hafa svona öflugan leikmann í sínu liði.
„Hann er toppleikmaður og hefur verið á þvílíku skriði. Allt er að ganga upp hjá honum og hann stefnir bara á gullskóinn. Hann bæði skorar mörk og vinnur mikla varnarvinnu. Þetta er algjör draumaleikmaður að hafa í sínu liði."
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
