Félagaskipti varnarmannsins Eric Bailly til Al-Najma í Sádi-Arabíu eru svo gott sem frágengin.
Bailly rann út á samningi hjá Villarreal í sumar og var með nokkur samningstilboð á borðinu en kaus að skipta yfir til Sádi-Arabíu.
Hann hafnaði meðal annars tækifæri að snúa aftur til uppeldisfélagsins Espanyol eða skipta til Trabzonspor í Tyrklandi.
Bailly er 31 árs gamall landsliðsmaður Fílabeinsstrandarinnar. Hann var samningsbundinn Manchester United í sjö ár og lék 113 leiki fyrir félagið.
Al-Najma eru nýliðar í efstu deild í Sádi-Arabíu eftir að hafa endað í öðru sæti í næstefstu deild á síðustu leiktíð.
Athugasemdir
