„Í leiknum gegn Tromsö fer ég í einvígi í loftinu og öxlin á mér dettur hálfvegis úr lið. Ég leggst niður, sjúkraþjálfarinn kemur inn á og kippir öxlinni aftur í lið. Ég prófa að spila aðeins áfram en það gengur ekki alveg. Í kjölfarið tökum við mynd og það sést greinilegur skaði á liðbandinu. Tilfinningin var nokkuð góð og ég spila teipaður á öxlinni í Evrópudeildinni síðasta fimmtudag og svo aftur núna á sunnudag," sagði Alfons. Eftir að öxlinni var kippti í liðinn fann hann fyrir sársauka, stífleika og óöryggi og hafi því farið af velli.

Hann spilaði allan leikinn í 2-1 sigri gegn Zürich í Evrópudeildinni en þurfti aftur að fara af velli eftir um klukkutíma leik gegn Haugesund á sunnudag. „Ég var að brjótast upp miðjuna í aðdraganda marksins okkar, er rifinn niður í sendingunni, lendi á olnboganum og fæ högg upp í öxlann. Sársauki og bólgar kemur aftur upp. Það var viðvörðunarbjalla um að við þyrftum að gefa þessu smá tíma til að jafna sig og gætum ekki verið að spila á þessu áfram."

Aðspurður hvort hann hafi þurft að taka verkjatöflur til að geta spilað leikina svaraði Alfons neitandi. „Þær fara svo illa í magann á mér þannig ég vanalega tek þær ekki. Ég var teipaður og var með hlíf á öxlinni."

Eftir höggið á sunnudag var tekin ákvörðun í samráði við lækna Bodö/Glimt, landsliðsþjálfarans Arnars Þór Viðarssonar og læknateymis íslenska landsliðsins að Alfons færi ekki í verkefnið með landsliðinu.

„Það þarf að gefa þessu tíma til að jafna sig, getum ekki unnið á einhverju sem er ekki 100% í lagi. Það er erfitt að segja akkúrat núna hvenær ég verð klár. Það er mikill dagamunur á öxlinni, er að verða betri og betri með hverjum deginum."

Á meðan margir aðrir eru í landsliðsverkefnum er Alfons að vinna með sjúkraþjálfurum og læknum í Bodö.

„Fyrsti æfingadagur hjá liðinu er á mánudaginn og það væri draumur að geta verið með þá og prófað þetta aðeins. Eins og staðan er núna er það mögulega alveg raunhæft," sagði Alfons.