Byrjunarlið Víkings og KR: Íslandsmeistaratitillinn í boði
Víkingar gera 5 breytingar - KR með þrjár breytingar
Pablo Punyed ber fyrirliðaband Víkinga í kvöld
Mynd: Jónína Guðbjörg Guðbjartsdóttir
Pablo Punyed ber fyrirliðaband Víkinga í kvöld
Mynd: Jónína Guðbjörg Guðbjartsdóttir
Það verður hart barist á heimavelli hamingjunnar í kvöld þegar heimamenn í Víking taka á móti KR í 1.umferð efri hluta Bestu deildarinnar.
Nýkringdir bikarmeistarar Víkinga geta með sigri í kvöld tryggt sér Íslandsmeistaratitilinn í viðbót við Mjólkurbikarinn og fullkomnað þannig sumarið sitt.
KR geta með sigri tafið hið óumflýjanlega um stund og stimplað sig í leiðinni inn í baráttuna um Evrópusæti.
Víkingar gera 5 breytingar á sínu liði frá bikarúrslitum gegn KA um liðna helgi en inn í liðið koma Ingvar Jónsson, Viktor Örlygur Andrason, Helgi Guðjónsson, Gísli Gottskálk Þórðarson og Ari Sigurpálsson í stað Þórðar Ingasonar, Gunnars Vatnhamar, Birni Snæ Ingason, Nikolaj Hansen og Matthíasar Vilhjálmssonar.
KR gera þá einnig þrjár breytingar á sínu liði frá síðasta leik sínum gegn ÍBV en inn koma Lúkas Magni Magnason, Theodór Elmar Bjarnason og Aron Þórður Albertsson en úr liði KR fara Finnur Tómas Pálmarson, Aron Kristófer Lárusson og Atli Sigurjónsson.
Byrjunarlið Víkingur R.
- 1. Ingvar Jónsson (m)
- 4. Peter Oliver Ekroth (f)
- 7. Erlingur Agnarsson
- 8. Viktor Örlygur Andrason
- 9. Helgi Guðjónsson
- 10. Pablo Oshan Punyed Dubon (f)
- 11. Gísli Gottskálk Þórðarson
- 17. Ari Sigurpálsson
- 19. Danijel Dejan Djuric
- 21. Aron Elís Þrándarson (f)
- 24. Davíð Örn Atlason
Byrjunarlið KR
- 1. Simen Lillevik Kjellevold (m)
- 4. Jóhannes Kristinn Bjarnason
- 5. Jakob Franz Pálsson
- 8. Olav Öby
- 9. Benoný Breki Andrésson
- 11. Kennie Knak Chopart (f)
- 14. Ægir Jarl Jónasson
- 15. Lúkas Magni Magnason
- 19. Kristinn Jónsson
- 29. Aron Þórður Albertsson
