Arsenal hefur harma að hefna gegn Villa eftir dramatískt tap á Villa Park en aðeins þrjú stig skilja á milli liðanna í toppbaráttunni. Arsenal vermir toppsæti deildarinnar en Villa er búið að vinna 11 leiki í röð í öllum keppnum.

Mikel Arteta þjálfari Arsenal gerir tvær breytingar frá sigri gegn Brighton um helgina. Báðar eru breytingarnar á varnarlínunni.

Declan Rice dettur úr liðinu vegna meiðsla og bætist því við meiðslalista Arsenal, en góðu fréttirnar eru þær að Jurrien Timber og Gabriel eru komnir aftur eftir meiðsli. Myles Lewis-Skelly sest á bekkinn og færir Piero Hincapié sig í bakvarðarstöðuna.

Unai Emery þjálfari Aston Villa gerir einnig tvær breytingar á varnarlínunni eftir endurkomusigur gegn Chelsea, þar sem Matty Cash dettur úr hóp og sest Ian Maatsen á bekkinn. Lamare Bogarde og Lucas Digne koma inn í staðinn.

Emery gerir þrjár breytingar til viðbótar á byrjunarliðinu þar sem Amadou Onana fer á miðjuna, Jadon Sancho byrjar á kantinum og Ollie Watkins er í fremstu víglínu. Donyell Malen og John McGinn setjast á bekkinn en Boubacar Kamara er ekki í hópnum.

Hann gerir því í heildina fimm breytingar á liðinu sem lagði Chelsea að velli, en Villa var lakari aðilinn þar til Emery gerði þrefalda skiptingu í síðari hálfleik og komu þá Onana, Watkins og Sancho saman inn af bekknum. Þeir eru allir í byrjunarliðinu í kvöld.

Man Utd fór létt með Úlfana þegar liðin mættust á Molineux og vonast Ruben Amorim þjálfari eftir svipuðum úrslitum. Hann neyðist til að gera eina breytingu eftir sigur gegn Newcastle í síðustu umferð, þar sem Mason Mount er meiddur. Joshua Zirkzee byrjar í hans stað

Líklegt er að Amorim haldi sig því við 4-2-3-1 uppstillinguna sem hann notaði gegn Newcastle, í stað þess að spila sitt umdeilda 3-4-2-1 leikkerfi.

Úlfarnir gera tvær breytingar frá tapi gegn Liverpool um helgina. André er í leikbanni og dettur Santiago Bueno úr hópnum. Jhon Arias og Jackson Tchatchoua koma inn í þeirra stað.

Arsenal: Raya, Timber, Saliba, Gabriel, Hincapie, Zubimendi, Odegaard, Merino, Saka, Gyokeres, Trossard.
Varamenn: Kepa, White, Jesus, Eze, Martinelli, Norgaard, Madueke, Havertz, Lewis-Skelly.

Aston Villa: Martinez, Bogarde, Konsa, Lindelof, Digne, Onana, Tielemans, Sancho, Rogers, Buendia, Watkins.
Varamenn: Bizot, Wright, Maatsen, Garcia, Routh, Hemmings, McGinn, Malen, Jimoh-Aloba.

---

Man Utd: Lammens, Dalot, Heaven, Martinez, Shaw, Casemiro, Ugarte, Dorgu, Zirkzee, Cunha, Sesko.
Varamenn: Bayindir, Fredricson, Malacia, Yoro, J. Fletcher, T. Fletcher, Lacey, Mantato, Obi.

Wolves: Sa, Tchatchoua, Doherty, Mosquera, Krejci, H Bueno, J Gomes, Arias, Mane, Hwang, Arokodare.
Varamenn: Johnstone, Moller Wolfe, Strand Larsen, Hoever, Gonzalez, Lopez, Sutherland, Olagunju, Ojinnaka.