Florian Wirtz er á bekknum ásamt Alexander Isak
Liverpool og Everton mætast í nágrannaslag í 5. umferð ensku úrvalsdeildarinnar á Anfield klukkan 11:30 í dag.
Englandsmeistararnir eru með fullt hús stiga á toppnum en Everton í 6. sæti með 7 stig.
Sænski framherjinn Alexander Isak er á bekknum hjá Liverpool í dag eftir að hafa spilað klukkutíma í fyrsta leik sínum með liðinu í sigri á Atlético Madríd í vikunni.
Arne Slot, stjóri Liverpool, er að stýra álaginu á Isak sem hafði ekki byrjað leik í marga mánuði áður en hann kom til Liverpool. Hugo Ekitike er fremstur og þá kemur Conor Bradley í hægri bakvörðinn.
Miloes Kerkez snýr aftur í vinstri bakvörðinn og þá kemur Alexis Mac Allister inn á miðsvæðið í stað Florian Wirtz sem er settur á bekkinn. Tveir dýrustu leikmenn ensku úrvalsdeildarinnar eru því á tréverkinu í grannaslagnum.
David Moyes gerir aðeins eina breytingu á liði Everton. Vitalii Mykolenko kemur inn í stað Tim Iroegbunam
Liverpool: Alisson; Bradley, Konate, Van Dijk, Kerkez; Gravenberch, Mac Allister; Salah, Szoboszlai, Gakpo; Ekitike
Everton: Pickford; O’Brien, Tarkowski, Keane, Mykolenko; Gueye, Garner; Ndiaye, Dewsbury-Hall, Grealish; Beto.
Merseyside derby team news is IN! ???? #LIVEVE
— Liverpool FC (@LFC) September 20, 2025
Athugasemdir
