Miðvörðurinn Sverrir Ingi Ingason kom inn í byrjunarliðið hjá PAOK er liðið vann öruggan heimasigur gegn Lamia í dag.
Þetta er aðeins annar deildarleikurinn sem Sverrir byrjar fyrir PAOK frá því hann kom til félagsins í janúar. Hans síðasti byrjunarliðsleikur í grísku úrvalsdeildinni var í maí.
Í dag setti PAOK þrjú mörk á fyrstu 10 mínútunum og endaði leikurinn með þægilegum 3-0 sigri. Góður dagur fyrir Sverri og hans félaga.
PAOK er í öðru sæti grísku úrvalsdeildarinnar með tveimur stigum minna en Olympiakos.
Athugasemdir
