Thomas Tuchel stjóri Bayern Munchen mun yfirgefa félagið eftir tímabilið en Sky Sports í Þýskalandi greinir frá þessu.
Það hefur gengið afar illa að undanförnu hjá þýska risanum en liðið hefur tapað þremur leikjum í röð. Liðið er átta stigum á eftir toppliði Leverkusen í deildinni og þá er liðið 1-0 undir í einvíginu gegn Lazio í Meistaradeildinni.
Sky í Þýskalandi greinir frá því að Tuchel og Bayern hafi rætt saman og hafa komist að samkomulagi um að hann muni yfirgefa félagið í sumar.
Tuchel hefur verið við stjórnvölin hjá Bayern í tæpt ár en hann tók við af Julian Nagelsmann í mars á síðasta ári. Hann vann þýsku deildina á síðustu leiktíð með liðinu.
Xabi Alonso er talinn líklegastur til að taka við af honum en hann er einnig sterklega orðaður við Liverpool.
Bayern Munchen hefur nú staðfest fregnirnar.
Neuausrichtung zur neuen Saison: FC Bayern und Thomas Tuchel beenden Zusammenarbeit im Sommer.
— FC Bayern München (@FCBayern) February 21, 2024
???? https://t.co/yDLnsnMtfR