25. umferð tímabilsins fer fram um helgina og hefst á heimaleik Celta Vigo gegn Osasuna í kvöld. Gestirnir í liði Osasuna geta komið sér upp í Evrópusæti með sigri og er Celta þremur stigum þar á eftir.

Á laugardag eru áhugaverðir leikir þar sem Rayo Vallecano spilar við Villarreal í Evrópubaráttunni áður en Valencia tekur á móti Atlético Madrid, sem situr í þriðja sæti sem stendur.

Að þeim leik loknum kíkir topplið Barcelona í ferðalag til sólstrandanna í Kanaríeyjum, á útivelli gegn fallbaráttuliði Las Palmas.

Athletic Bilbao situr í fjórða sæti deildarinnar, aðeins sex stigum á eftir toppliði Barcelona, og getur aukið pressuna á toppliðin með sigri á heimavelli gegn Real Valladolid.

Ríkjandi Spánarmeistarar Real Madrid taka svo á móti Girona í nágrannaslag áður en Antony og félagar í Real Betis fá tækifæri til að bæta stöðu sína í Evrópubaráttunni á útivelli gegn Getafe.

Orri Steinn Óskarsson og félagar í liði Real Sociedad eiga heimaleik við Leganés á sunnudagskvöldið en lokaleikur helgarinnar fer fram á mánudagskvöldið. Sevilla tekur þar á móti Mallorca sem er að reynast eitt af spútnik liðum tímabilsins.

Föstudagur
20:00 Celta - Osasuna

Laugardagur
13:00 Alaves - Espanyol
15:15 Vallecano - Villarreal
17:30 Valencia - Atletico Madrid
20:00 Las Palmas - Barcelona

Sunnudagur
13:00 Athletic - Valladolid
15:15 Real Madrid - Girona
17:30 Getafe - Betis
20:00 Real Sociedad - Leganes

Mánudagur
20:00 Sevilla - Mallorca