Crystal Palace hefur ráðið Roy Hodgson aftur til starfa, en félagið staðfestir þetta í tilkynningu núna í morgunsárið.
Paddy McCarthy, sem stýrði Palace gegn Arsenal um liðna helgi, verður aðstoðarþjálfari Hodgson.
Paddy McCarthy, sem stýrði Palace gegn Arsenal um liðna helgi, verður aðstoðarþjálfari Hodgson.
Hodgson tekur við starfinu af Patrick Vieira sem hafði stýrt Palace frá því í júlí 2021.
Hodgson, sem var um tíma þjálfari enska landsliðsins, þekkir mjög vel til hjá Palace eftir að hafa stýrt félaginu frá 2017 þangað til Vieira tók við.
Hodgson, sem er orðinn 75 ára gamall, mun stýra Palace út tímabilið og reyna að stýra liðinu frá falli. Palace er sem stendur fjórum stigum frá botninum en er samt sem áður í tólfta sæti; pakkinn er mjög þéttur í neðri hlutanum og mikil spenna framundan.
Roy Hodgson has been appointed Crystal Palace manager until the end of the season.
— Crystal Palace F.C. (@CPFC) March 21, 2023
Paddy McCarthy will take the role as his assistant manager, and Ray Lewington returns as first-team coach.
Dean Kiely remains in his position as goalkeeping coach.
Welcome back, Roy.#CPFC
Athugasemdir