Kjartan Henrý Finnbogason var ansi vonsvekktur eftir 1-1 jafntefli á heimavelli gegn Leikni R. en liðin mættust í dag í Bestu Deild karla.
Voru KR-ingar heppnir að fá stig úr þessum leik?
"Frábær spurning, þeir lágu á okkur hérna í lokin og gerðu það mjög vel, breyttu um leikkerfi í seinni hálfleik og já örugglega þegar að fólk styllti upp í seinni hálfleikinn þá leit það örugglega þannig út að við vorum heppnir að sleppa fá eitt stig hér í dag"
Lestu um leikinn: KR 1 - 1 Leiknir R.
Kjartan byrjaði á bekknum og kom inn á snemma í seinni hálfleik, hvernig leit fyrri hálfleikurinn út frá hliðarlínunni?
"Mér fannst hann fínn fyrstu 15 mínúturnar, þá vorum við mjög fínir og sprækir en eins og svo oft áður og þetta var einnig vandamálið í fyrra þá í seinni hálfleik byrjuðum við ekki nógu vel og þeir komast inn í leikinn og fá smá þef og það má ekki gerast"
KR-ingar eru vissulega taplausir í síðustu fjórum leikjum með tvo sigra og tvö jafntefli, þeir eru allavega ekki að tapa leikjum.
"Nei en við eigum að vinna svona leiki og við ætluðum að taka þriðja sigurinn í röð en það gekk ekki í dag því miður í frábæru veðri og frábærum velli. Við verðum bara að læra af þessu það eru þrír leikir á átta dögum núna hjá okkur, leikur á miðvikudaginn á móti Stjörnunni í bikarnum og svo FH næstu helgi þannig það er nóg að gera"
Viðtalið má sjá í heild sinni en þar talar Kjartan t.d. um að hafa verið á bekknum o.fl.