Stjóri Birmingham lætur af störfum vegna veikinda

Birmingham er því enn og aftur í stjóraleit en Gary Rowett var ráðinn til bráðabirgða og fékk það verkefni að reyna að halda liðinu í Championship-deildinni. Það gekk ekki og liðið féll niður í C-deildina.

„Það hefur komið í ljós að ég mun ekki ná fullri heilsu nægilega tímanlega til að geta undirbúið Birmingham City á sem bestan hátt fyrir næsta tímabil. Því hef ég ákveðið að taka þessa erfiðu ákvörðun að stíga til hliðar," segir Mowbray sem er 60 ára.

Mowbray segist stefna á að snúa aftur í stjórastarf þegar hann hefur náð fullri heilsu.

Tímabilið var hreinlega skelfilegt fyrir Birmingham en allt fór í skrúfuna eftir að Wayne Rooney hafði verið ráðinn sem stjóri.