Grótta og Grindavík/Njarðvík unnu mikilvæga sigra á heimavöllum sínum í Lengjudeild kvenna í kvöld.
Sigrarnir gera liðunum kleift að berjast við HK um annað sæti deildarinnar þegar aðeins tvær umferðir eru eftir af tímabilinu. Efstu tvö sætin fara upp í Bestu deildina fyrir næsta sumar.
Hulda Ösp Ágústsdóttir var hetja Gróttu í grannaslag gegn KR í dag, þar sem hún skoraði bæði mörkin í 2-0 sigri.
Á sama tíma rúllaði Grindavík/Njarðvík yfir botnlið Aftureldingar og vann 8-0. Mosfellingar féllu því með stæl.
Tinna Hrönn Einarsdóttir var atkvæðamest með þrennu í liði heimakvenna en liðsfélagar hennar skiptu restinni af mörkunum jafnt á milli sín.
ÍA sigraði að lokum Hauka í þýðingarlitlum slag. Erla Karitas Jóhannesdóttir var hetjan þar og skoraði bæði mörkin í endurkomusigri Skagakvenna.
Grótta 2 - 0 KR
1-0 Hulda Ösp Ágústsdóttir ('20 )
2-0 Hulda Ösp Ágústsdóttir ('90 )
ÍA 2 - 1 Haukar
0-1 Ragnheiður Tinna Hjaltalín ('26 )
1-1 Erla Karitas Jóhannesdóttir ('42 )
2-1 Erla Karitas Jóhannesdóttir ('59 )
Grindavík/Njarðvík 8 - 0 Afturelding
1-0 Tinna Hrönn Einarsdóttir ('3 )
2-0 Ása Björg Einarsdóttir ('7 )
3-0 Tinna Hrönn Einarsdóttir ('10 )
4-0 Danai Kaldaridou ('14 )
5-0 Tinna Hrönn Einarsdóttir ('40 )
6-0 Brookelynn Paige Entz ('53 )
7-0 Danai Kaldaridou ('55 , Mark úr víti)
8-0 Sophia Faith Romine ('59 )
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir



