Norðmaðurinn ungi Martin Ödegaard hefur farið vel af stað hjá Real Sociedad þar sem hann leikur að láni frá Real Madrid.
Ödegaard er kominn með tvö mörk í fyrstu fjórum deildarleikjunum og var valinn leikmaður mánaðarins hjá félaginu fyrir sitt framlag.
Hann fékk afhendan dýrindis fisk í verðlaun eins og er hægt að sjá hér fyrir neðan.
Ödegaard verður 21 árs í desember en hefur nú þegar leikið 20 A-landsleiki fyrir Noreg.
Ljóst er að framtíð norska landsliðsins er spennandi en hinn ungi Erling Braut Håland var valinn besti leikmaður fyrstu umferðar riðlakeppni Meistaradeildarinnar í dag. Hann verður 20 ára í lok október.
Athugasemdir