Liverpool tapaði á dögunum stigum gegn Aston Villa á Villa Park, en er engu að síður með átta stiga forystu á toppnum.

Arsenal, sem er í öðru sæti, spilar við West Ham á Emirates og getur saxað forystuna niður í fimm stig. Það væri gríðarlega stórt fyrir Arsenal þar sem Liverpool heimsækir Englandsmeistara Manchester City á morgun og alls ekki öruggt að toppliðið taki öll stigin þaðan.

Everton og Manchester United eigast þá við á Goodison Park, en gengi United hefur verið afar slakt upp á síðkastið og liðið tapað tveimur leikjum í röð á meðan Everton er á flottu skriði undir David Moyes.

Fulham og Crystal Palace mæta í Lundúnaslag og þá spila nýliðar Ipswich Town við Tottenham. Botnlið Southampton mætir Brighton og þá munu Aston Villa og Chelsea eigast við í lokaleik dagsins.

Aston Villa hefur staðið sig vel undir Unai Emery en Chelsea, sem fór nokkuð vel af stað á tímabilinu hefur aðeins unnið þrjá af síðustu tíu deildarleikjum sínum.

Leikir dagsins:
12:30 Everton - Man Utd
15:00 Bournemouth - Wolves
15:00 Arsenal - West Ham
15:00 Fulham - Crystal Palace
15:00 Ipswich Town - Tottenham
15:00 Southampton - Brighton
17:30 Aston Villa - Chelsea