Frans Elvarsson
„Ég var að hugsa það áðan ég held að ég hafi bara aldrei unnið FH í efstu deild síðan ég byrjaði í Keflavík þannig að það er bara fínt að ná loksins fyrsta sigrinum á móti þeim.“ Sagði Frans Elvarsson leikmaður Keflavíkur eftir 2-1 sigur hans manna á FH fyrr í dag en Keflavík hafði fyrir leikinn ekki unnið deildarsigur á FH síðan í maímánuði árið 2009.
Lestu um leikinn: Keflavík 2 - 1 FH
Keflavík lék á köflum fínan fótbolta í fyrri hálfleik og kom sér í nokkrar álitlegar stöður auk þess að skora mörkin tvö. Síðari hálfleikur snerist meira um baráttu og hörku en þeim tókst að halda fengnum hlut og stigunum þremur.+
„Þetta var svolítill barningur allan leikinn. Völlurinn ekki enná orðin góður það er náttúrulega ennþá bara maí. En við erum bara mjög sáttir að fá þrjú stig. Okkur finnst við hafa verið óheppnir í síðustu leikjum höfum átt góða leiki en úrslitin ekki fylgt með.“
Frans sem er að stíga upp úr meiðslum var tekin af velli eftir um 70 mínútna leik. Er hann ekki alveg klár í 90 mínútur ennþá?
„Ég byrjaði aðeins að finna fyrir sömu meiðslum og hef verið að glíma við. Þannig að ég vildi ekkert vera taka einhvern séns og fara bara út af þegar ég byrjaði að finna fyrir þessu svo við missum þetta ekki í einhver langtímameiðsl. “
Sagði Frans en allt viðtalið má sjá hér að ofan.
