Sænska goðsögnin Henrik Larsson er í viðræðum við Southend í ensku C-deildinni um að gerast næsti knattspyrnustjóri félagsins. Þetta hefur Sky Sports eftir heimildarmönnum sínum.
Larson var í stúkunni ásamt stjórnarformanni félagsins þegar Southend vann sinn fyrsta deildarleik á tímabilinu, gegn MK Dons í gær, laugardag.
Larsson átti frábæran feril sem leikmaður með Manchester United, Barcelona, Celtic og sænska landsliðinu.
Hann hætti sem þjálfari Helsingborg í sænsku úrvalsdeildinni á dögunum eftir að hafa fengið óblíðar kveðjur frá stuðningsmönnum félagsins.
Hinn 47 ára gamli Larsson gæti núna verið á leið til Englands í stjórastarfið hjá Southend.
Athugasemdir
