Leikmenn FH stóðu heiðursvörð fyrir KR-inga fyrir leik þeirra í Pepsi Max-deild karla í dag.
KR-ingar tryggðu sér sigur á Íslandsmótinu með 1-0 sigri á Val í síðustu umferð en sex ár voru frá því að KR vann mótið síðast.
Birgir Jóhannsson, framkvæmdastjóri FH, staðfesti það í gær að leikmenn FH myndu standa heiðursvörð fyrir KR-inga fyrir leik liðanna í dag en leikmenn kvennaliðs Vals gerðu slíkt hið sama við bikarmeistara Selfoss á dögunum.
Staðan í leik KR og FH er 2-2 þegar þetta er skrifað en Tobias Thomsen og Finnur Tómas Pálmason skoruðu mörk KR en Steven Lennon er með tvö fyrir FH.
Lestu textalýsinguna
Athugasemdir