Sóknarmaðurinn Romelu Lukaku hrósaði þjálfara sínum, Antonio Conte, í hástert eftir sigur Inter á AC Milan í nágrannaslag í ítölsku úrvalsdeildinni í gær.
Inter keypti hinn 26 ára gamla Lukaku frá Manchester United fyrir 73 milljónir punda í sumar.
Hann skoraði seinna mark liðsins í sigrinum í gær og er hann kominn með þrjú mörk í fjórum deildarleikjum.
„Hann (Conte) er mjög góður þjálfari vegna þess að hann er þjálfari sem hjálpar leikmönnum mikið í því að þróa sinn leik," sagði Lukaku eftir leikinn.
„Ég þurfti og langaði þjálfara eins og hann, þjálfara sem hvetur mann áfram á hverjum degi. Ég er mjög ánægður að vera hérna og klæðast þessari treyju."
Athugasemdir
