Sérstaklega missir í þessu fyrir Kristal sjálfan
Það kom mér ekkert á óvart, frábær leikmaður
„Missirinn er mikill en við erum með gott lið, menn koma bara í hans stað. Kristall Máni er frábær leikmaður, búinn að standa sig hrikalega vel upp á síðkastið, gefur liðinu mikið bæði innan og utan vallar. Þetta gefur öðrum tækifæri," sagði Atli Barkarson í viðtali við Fótbolta.net í dag.
Kristall Máni Ingason var valinn í U21 landsliðið en getur ekki spilað í leikjunum mikilvægu gegn Tékklandi vegna axlarmeiðsla sem hann varð fyrir í leik með Rosenborg í lok síðasta mánaðar. Atli hefur spilað með Kristali í U21 liðinu sem og hjá Víkingi tímabilin 2020 og 2021.
Kristall Máni Ingason var valinn í U21 landsliðið en getur ekki spilað í leikjunum mikilvægu gegn Tékklandi vegna axlarmeiðsla sem hann varð fyrir í leik með Rosenborg í lok síðasta mánaðar. Atli hefur spilað með Kristali í U21 liðinu sem og hjá Víkingi tímabilin 2020 og 2021.
Umræða var um Kristal í útvarpsþættinum Fótbolta.net um síðustu helgi.
„Davíð (Snorri Jónasson, þjálfari U21) hefur talað mikið um dýanmíkina í hópnum. Ég veit ekki hversu klár Kristall Máni Ingason er í þetta verkefni, en ég veit að ein helsta ástæðan fyrir því að hann er í þessum hóp er að hann er líklegast sterkasti leikmaðurinn í hópnum hvað varðar að halda hópnum saman," sagði Tómas Þór Þórðarson á laugardaginn.
Aftur yfir í viðtalið við Atla. Kom spilamennska Kristals með Víkingi fyrri hluta tímabilsins á óvart?
„Nei, ekki neitt. Við æfðum saman á hverjum degi og vorum alltaf að æfa aukalega. Það kom mér ekkert á óvart, frábær leikmaður."
Þjálfarinn Davíð Snorri var sjálfur spurður út í Kristal.
„Það er sérstaklega missir í þessu fyrir Kristal sjálfan, að missa af þessu. Hann er búinn að vera á fullri ferð. En góðu fréttirnar eru þær að það er ekki langt í að Kristall fari að spila fótbolta," sagði Davíð.
Fyrri leikurinn gegn Tékklandi er á morgun, hefst klukkan 16:00 og fer fram á Víkingsvelli.
Sjá einnig:
Kristall mættur á æfingu: Á að reyna að hvíla eins mikið og ég get
Athugasemdir
