Guido de Pauw, belgískur stuðningsmaður Manchester City, er enn í dái eftir að hann varð fyrir áras á bensínstöð á þriðjudag.

Fimm hafa verið úrskurðaðir í gæsluvarðhald en ráðist var á Giudo, 63 ára, þar sem hann var með Manchester City trefil. Að honum komu menn og hann var kýldur niður í jörðina.

Sonur Guido, sem var með honum á 5-1 sigurleik City gegn Club Brugge fyrr um kvöldið, segir að árásarmennirnir hafi svo drifið sig í burtu og skilið föður sinn eftir „til að deyja".

Pep Guardiola mætti á fréttamannafund í bol með áletruninni: „Við erum með þér Guido" og byrjaði fundinn á þessum orðum:

„Fyrir hönd allra hjá félaginu þá segi ég að við erum bjartsýn. Á síðustu klukkustundum hefur hann orðið betri og hann er með stuðning okkar allra. Við sendum honum og fjölskyldu hans faðmlag. Það er erfitt að skilja hvernig svona hræðilegir hlutir gerast," sagði Guardiola.

Englandsmeistarar Manchester City mæta Brighton í ensku úrvalsdeildinni síðdegis á morgun.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit