Ung og spennandi kynslóð er að koma upp í Rúmeníu og ljóst er að í leiknum gegn Íslandi á Laugardalsvelli í mars verða margir ungir leikmenn í leikmannahópi gestanna.
Á EM U21 landsliða síðastliðið sumar fóru Rúmenar alla leið í undanúrslit. Í riðlakeppninni unnu þeir Króatíu og England auk þess að gera jafntefli við Frakka.
Rúmenar unnu Englendinga 4-2 í æsispennandi leik en í liði Englands voru meðal annars leikmenn eins og James Maddison, Tammy Abraham, Fikayo Tomori og Mason Mount.
Í undanúrslitum urðu Rúmenar að játa sig sigraða 4-2 gegn Þjóðverjum. George Puscas, framherji Reading, skoraði bæði mörk Rúmena þar en hann skoraði fjögur mörk á mótinu síðastliðið sumar.
Rúmenar kalla þessa kynslóð sína gullkynslóð og óhætt er að segja að þetta minni að einhverju leyti á íslenska U21 liðið sem fór á EM U21 liða í Danmörku árið 2011.
Á EM U21 landsliða síðastliðið sumar fóru Rúmenar alla leið í undanúrslit. Í riðlakeppninni unnu þeir Króatíu og England auk þess að gera jafntefli við Frakka.
Rúmenar unnu Englendinga 4-2 í æsispennandi leik en í liði Englands voru meðal annars leikmenn eins og James Maddison, Tammy Abraham, Fikayo Tomori og Mason Mount.
Í undanúrslitum urðu Rúmenar að játa sig sigraða 4-2 gegn Þjóðverjum. George Puscas, framherji Reading, skoraði bæði mörk Rúmena þar en hann skoraði fjögur mörk á mótinu síðastliðið sumar.
Rúmenar kalla þessa kynslóð sína gullkynslóð og óhætt er að segja að þetta minni að einhverju leyti á íslenska U21 liðið sem fór á EM U21 liða í Danmörku árið 2011.
„Rúmenar eru á mikilli uppleið. Þeir fóru í undanúrslit á EM U21 síðasta sumar og unnu þar meðal annars þetta margumtalaða enska lið 4-2. Ég var á þeim leik. Þeir unnu Króata 4-1 og það er mikill kraftur í þeim sóknarlega," sagði Freyr Alexandersson, aðstoðarlandsliðsþjálfari, við Fótbolta.net í dag.
„Þetta eru ungir og sprækir strákar með stóra drauma og þeir eru klárlega á mikilli uppleið. Ég skoðaði þetta í morgun og það eru níu stráka úr U21 liðinu í hópnum hjá þeim. Þetta er kunnuglegt stef, við könnumst við þetta. Við vitum að það koma ungir og ferskir strákar með mikið hungur en þeir mæta reyndu íslensku liði á Íslandi og þetta verður skemmtilegt barátta."
Á meðal leikmanna í U21 liðinu síðastliðið sumar var Ianis Hagi, sonur goðsagnarinnar Gheorghe Hagi. Ianis vakti mikla athygli á EM og mörg stór félög vildu fá hann í sínar raðir. Á endanum valdi hann þó að fara til Genk í Belgíu.
Sjá einnig:
Sonur Gheorghe Hagi mætir á Laugardalsvöll
Athugasemdir