26. umferð ítalska deildartímabilsins fer af stað í kvöld, þegar Bologna fær tækifæri til að sigra fimmta deildarleikinn sinn í röð og koma sér þar með í meistaradeildarsæti.
Bologna tekur á móti fallbaráttuliði Verona í kvöld og svo eru þrír leikir á dagskrá á morgun. Albert Guðmundsson og félagar í Genoa mæta til leiks annað kvöld þegar þeir spila við Udinese, en sjö stig skilja liðin að í neðri hluta deildarinnar.
Genoa er í fínum málum með 30 stig, ellefu stigum frá Evrópusæti og tíu stigum fyrir ofan fallsæti, á meðan Udinese er aðeins með 23 stig.
Juventus tekur svo á móti nýliðum Frosinone í hádegisleiknum á sunnudaginn, en lærisveinar Max Allegri hafa aðeins nælt sér í tvö stig úr síðustu fjórum deildarleikjum og eru svo gott sem búnir að tapa titilbaráttunni gegn Inter sem virðist vera óstöðvandi um þessar mundir. Frosinone er búið að tapa þremur í röð og gæti þetta því verið kjörið tækifæri fyrir Juve til að koma sér aftur á strik.
Ríkjandi Ítalíumeistarar Napoli heimsækja þá fallbaráttulið Cagliari, sem er aðeins með 19 stig eftir 25 umferðir undir stjórn Claudio Ranieri, áður en verðandi Ítalíumeistarar Inter kíkja í heimsókn til fallbaráttuliðs Lecce.
AC Milan og Atalanta eigast svo við í spennandi nágrannaslag að sunnudagskvöldi, þar sem sjö stig skilja liðin að í meistaradeildarbaráttunni.
Mánudagskvöldið er gríðarlega spennandi þar sem tveir Evrópuslagir eru á dagskrá. Roma á heimaleik gegn Torino klukkan 17:30, áður en Fiorentina tekur á móti Lazio. Liðin fá að spila á mánudegi eftir Evrópuleikina sem áttu sér stað í vikunni.
Roma er í Evrópusæti með 41 stig, en þar á eftir koma Lazio, Fiorentina og Torino.
Föstudagur:
19:45 Bologna - Verona
Laugardagur:
14:00 Sassuolo - Empoli
17:00 Salernitana - Monza
19:45 Genoa - Udinese
Sunnudagur:
11:30 Juventus - Frosinone
14:00 Cagliari - Napoli
17:00 Lecce - Inter
19:45 Milan - Atalanta
Mánudagur:
17:30 Roma - Torino
19:45 Fiorentina - Lazio
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 33 | 25 | 3 | 5 | 78 | 29 | +49 | 78 |
| 2 | Milan | 33 | 19 | 9 | 5 | 48 | 27 | +21 | 66 |
| 3 | Napoli | 33 | 20 | 6 | 7 | 48 | 33 | +15 | 66 |
| 4 | Juventus | 33 | 18 | 9 | 6 | 57 | 29 | +28 | 63 |
| 5 | Como | 33 | 16 | 10 | 7 | 57 | 28 | +29 | 58 |
| 6 | Roma | 33 | 18 | 4 | 11 | 46 | 29 | +17 | 58 |
| 7 | Atalanta | 33 | 14 | 12 | 7 | 45 | 29 | +16 | 54 |
| 8 | Bologna | 33 | 14 | 6 | 13 | 42 | 39 | +3 | 48 |
| 9 | Lazio | 33 | 12 | 11 | 10 | 34 | 30 | +4 | 47 |
| 10 | Sassuolo | 33 | 13 | 6 | 14 | 41 | 44 | -3 | 45 |
| 11 | Udinese | 33 | 12 | 7 | 14 | 38 | 43 | -5 | 43 |
| 12 | Torino | 33 | 11 | 7 | 15 | 37 | 54 | -17 | 40 |
| 13 | Genoa | 33 | 10 | 9 | 14 | 40 | 46 | -6 | 39 |
| 14 | Parma | 33 | 9 | 12 | 12 | 24 | 40 | -16 | 39 |
| 15 | Fiorentina | 33 | 8 | 12 | 13 | 38 | 45 | -7 | 36 |
| 16 | Cagliari | 33 | 8 | 9 | 16 | 33 | 47 | -14 | 33 |
| 17 | Cremonese | 33 | 6 | 10 | 17 | 26 | 47 | -21 | 28 |
| 18 | Lecce | 33 | 7 | 7 | 19 | 22 | 46 | -24 | 28 |
| 19 | Verona | 33 | 3 | 9 | 21 | 23 | 56 | -33 | 18 |
| 20 | Pisa | 33 | 2 | 12 | 19 | 24 | 60 | -36 | 18 |
