Romano segir frá því að Thomas Tuchel, fyrrum stjóri Dortmund, PSG og Chelsea, sé efstur á óskalista Bayern ef Nagelsmann verður sparkað.

Bayern er í öðru sæti Bundesliga sem er óviðunandi árangur þar á bæ. Framundan er risaleikur hjá Dortmund sem er í efsta sætinu, stigi á undan Bayern, og leikir gegn Manchester City í 8-liða úrslitum Meistaradeildarinnar.

Nagelsmann er 35 ára Þjóðverji sem tók við Bayern sumarið 2021 þegar Hansi Flick hætti. Bayern vann þýska meistaratitilinn í tíunda skiptið í röð síðasta vor.