„Þetta er klárlega liðssigur. Vorum búnir að vinna fyrir hvorn annan allann leikinn og djöfull var þetta sætt,“ oru fyrstu orð Helga Þórs Jónssonar annars af markaskorurum Keflavíkur sem sló Breiðablik út úr Mjólkurbikarnum með 2-0 sigri í framlengdum leik.
Lestu um leikinn: Keflavík 2 - 0 Breiðablik
Leikurinn var fjörugur og nokkuð opin lengst af og fengu bæði lið færi til að skora í venjulegum leiktíma. Áhorfendur þurftu þó að bíða í 113 mínútur eftir fyrsta markinu sem Helgi skoraði eftir góðan undirbúning Kian Williams. Var ekkert erfitt að klára hlaupið inn í teig og klára færið?
„Lappirnar voru farnar, þetta var bara hausinn að keyra áfram.“
Keflavík sem er á tveggja leikja sigurgöngu í deildinni vinnur sinn þriðja leik í röð alls með sigrinum. Er þetta ekki að hafa jákvæð áhrif á sjálfstraustið?
„Já klárlega, við sjáum að við eigum fullt erindi hérna og klárir í þetta. Og búnir að laga varnarleikinn og þá fer þetta allt að smella.“
Sagði Helgi Þór en allt viðtalið má sjá hér að ofan.
Athugasemdir